Дэлхийн нийт хүн амын 22 хувийг бүрдүүлдэг Хятад улс Хөдөө аж ахуйн бүтээгдэхүүний үйлдвэрлэлээрээ дэлхийд нэгдүгээр байр эзэлдэг. Цагаан будаа, улаан буудай, хөвөн болон хүнсний ногооны аварга том талбайнуудыг та Хятадын хаанаас ч олж харж болно.
Хятадын өнцөг булан бүрт 300 сая гаруй тариачид амьдардаг гэсэн судалгаа хүртэл гарсан нь Хятадын эдийн засагт газар тариалан, хөдөө аж ахуйн салбарын эзлэх хувь хэмжээ хэр том байгааг илтгэнэ.
Хөдөө аж ахуйн салбарыг дагасан үйлдвэрлэл ч энд эрчимтэй хөгжсөөр байгаагийн нэг нь ургамлын бордооны үйлдвэрлэл билээ.
Баяннуур хотын Урадын Өмнөд хошууны Мен Рун үйлдвэр нь газар тариаланд чухал хэрэгцээтэй калийн агууламж бүхий ургамлын бордоо үйлдвэрлэгч орон нутгийн компани юм. Тус компанийн гол бүтээгдэхүүн нь калийн агууламжтай бордоо, давсан хүчил.
Мен Рун үйлдвэр нь түүхий эдээ ОХУ-аас авч химийн аргаар урвалжуулах замаар калийн бордоо гаргаж авдаг. Харин урвалаас үлдсэн хаягдалаар давсан хүчил үйлдвэрлэж дотоодын компаниудад нийлүүлдэг.
Тэд ийм аргаар жилд 160 мянган тонн калийн агууламжай бордоо, 200 мянган тонн давсан хүчил худалдан борлуулдаг орон нутагт шинэ технологийг нэвтрүүлэгч, шилдэг татвар төлөгч байгууллага юм.
