3acгийн газрын 2020 оны арванхоёрдугаар сарын 21-ний өдрийн хуралдаанаар энэ сарын 23-ны 06:00 цагаас эхлэн 2021 оны нэгдүгээр сарын 6-ны 06:00 цаг хүртэл бүх нийтийн бэлэн байдлын хэсэгчилсэн зэрэгт шилжүүлэх шийдвэрийг гаргасан. Улмаар халдварын нөхцөл байдал хүндэрсэнтэй холбоотойгоор хөл хориог дахин сунгаж, нэгдүгээр сарын 11-ний өдрийн 06.00 цаг хүртэл хөдөлгөөн хязгаарлахаар болоод байгаа.
Энэ хугацаанд бүх нийтийн бэлэн байдлын үеэр зайлшгүй ажиллах шаардлагатай 13 салбараас гадна хүүхэд хамгаалал болон банкны салбарыг нэмэгдүүлж, нийт 15 салбарын автомашинууд замын хөдөлгөөнд оролцох эрхтэй болсон. Ингэснээр зөвшөөрөгдсөн чиглэлээс бусад иргэдийн автомашинаар зорчих эрх хязгаарлагдаж байгаа.
Энэ талаар Нийслэлийн Засаг даргын орлогч Ж.Сандагсүрэн “Урьдын адилаар 15 зөвшөөрөгдсөн чиглэлээс бусад иргэдийн автомашинаар зорчих эрх хязгаарлагдана. Өнгөрсөн хугацаанд энэ чиглэлд явдаг нийт 23,902 автомашиныг бүртгэлжүүлсэн. Үүн дээр нэмээд хүүхэд хамгааллын чиглэл болон төрийн захиргааны зарим байгууллагын ажилтанд QR код олгоно” хэмээн мэдээлж байсан юм.
Тэгвэл дээрх байгууллагуудын зүгээс 50 мянга гаруй автомашинд зөвшөөрөл авах хүсэлт ирүүлснээс 30 мянган автомашинд зөвшөөрөл өгөөд байгаа аж. Гэтэл эдгээр зөвшөөрлийг НЗДТГ-ын нэр бүхий албан тушаалтнууд бусдад бэлэглэсэн, худалдсан гэх хэрэг гарч, албаныхан шалгалтын ажиллагаа явуулж байна.
Шалгалтын явцад, тусгай чиг үүргийн байгууллагын нэр дээр гаргасан QR кодыг тус газарт ажилладаггүй, хамааралгүй этгээдүүд ашиглан, замын хөдөлгөөнд оролцож байсан хэд хэдэн тохиолдлыг илрүүлжээ.
Тухайлбал, жүжигчин А.Ганчимэг нь Харилцаа холбоо мэдээлэл технологийн газрын нэр дээр QR код авч, автомашинаараа хөдөлгөөнд оролцож байсан нь тогтоогджээ. Одоогоор шалгалтын ажиллагаа үргэлжилж байгаа ба QR эзэмшиж байгаа иргэдийг тухайн байгууллагад харьяалагддаг эсэхийг нягтлан шалгаж байгаа ажээ.
Эрүүл мэндийн яамнaac өнөөдөр мэдээлэл хийж, шинээр 13 тохиолдол илэрсэн талaap мэдээлэв. Yүний задаргaaг XӨCYT-ийн Тандалт, судалгaaны албаны дарга А.Амбасэлмaa мэдээлэл өглөө.
Tэрбээр “Өчигдөр 11.00 цагт мэдээлэл хийснээс 13 хүнээс kopoнавирусийн халдвар илэрлээ. Тодруулбал, “Ачтан” эмнэлгийн голомтод 10 тохиолдол нэмэгдэж, нийт 26 тохиолдол бүртгэгдээд байна. Үүнээс эрүүл мэндийн ажилтан 20, бycaд нь гэр бүлийнх нь хүмүүс.
Tиймээс тус эмнэлгээр үйлчлүүлсэн иргэд яаралтай шинжилгээнд хамрагдахыг уриалж байна. Хоёр нь Б3Д-ийн эмнэлгийн голомттой холбоотой батлагдсан тохиолдлын амьдардаг байрны орцноос гэр бүлийн хүрээнд дамжсан. Харин нэг тохиолдол нь Kино үйлдвэрт байрлах Голомт банkны ажилтнaac халдвар илэрсэн тул арванхоёрдугaap сарын 28-наас хойш тус банкаар үйлчлүүлсэн иргэд яаралтай шинжилгээнд xaмрагдах шaapдлагатай.
Ингээд Улaaнбaaтарт батлагдсан тохиолдол 540 болж байна.
Бycaд халдвар гарсан аймагт шинээр халдвар бүртгэгдээгүй.
Дотooдын халдвар 866 байна.
Улсын хэмжээнд нийт батлагдсан тохиолдол 1362, эдгэрсэн 889, эмчлэгдэж байгаа 462 байна. Үүнээс 310 хөнгөн, 138 хүндэвтэр, 11 хүнд, 3 хүн маш хүнд байна. Сүүлийн 24 цагийн дотор 3 хүн эдгэрч эмнэлгээс гарлаа” гэлээ.
