Монгол бадарчин Амай ханиа олжээ. Энэ тухайгаа өөрөө “Амьдралын хамгийн чухал нь ханиа олох…” гэж бичжээ. Амай нас нь 41 нас хүрч байгаа. Хорь гаруйхан насандаа эдүгээ “Ард”-ын Ганхуягийн эхнэр Ингаана гэж дууддаг “Улаанбаатарын мисс” Уянгатай үерхдэг байсан.
Хөтлөлцөнхөн явсан Амай, Уянга хоёр салж, мисс Уянга банкны захирал Ч.Ганхуягтай гэрлэсэн. Харин Амай “Номинталст”-ын Дэлгэрмөрөнд духаа хагартал мөргүүлэн, дух нүдээ гэмтээж, жил гаруй эмнэлгийн ор сахисан билээ. Биеэ сайжрангуут дэлхий тойрох аялалд гарсан юм. Амай 2005 оны 4 сард Монголоос гарч, дэлхийн 69 орноор аялаад 2010 оны 5 сарын 8-нд эх орондоо буцаж иржээ. Амай «Монгол бадарчин» хэмээн алдаршсан бөгөөд аяллынхаа тэмдэглэлийг тухай бүр хөтөлж байсан нь олны анхаарал татжээ. 2011 оны 8 сард хоёр дахь удаагийн аялалдаа гарсан. Одоо харин Монголдоо суурин байгаа. Амай буюу Ж.Золбаяр аргагүй сонирхолтой ертөнцтэй содон залуу. Энэ залуугийн хайрыг татсан бүсгүй ч эгэлгүй нэгэн байж таарна.
