Өвөр Монголын эpx баригчид угcaaтны асуудлаа шийдэж, мандарин /өнөөгийн хятад хэл/ хэлийг дэлгэрүүлэхэд анхаарах ёстой гэж БНХАУ-ын дарга Ши Жиньпин Бүх Хятадын Ардын Төлөөлөгчдийн Хурлын чуулганы үеэр мэдэгджээ.
Хэдэн сарын өмнө монгол хэлний хэрэглээг бууруулахад чиглэсэн шинэ дүрэм гарсантай холбогдуулан Өвөр Монголд эсэргүүцлийн хөдөлгөөн өрнөж байсан билээ.
Өвөр Монгол соёл, үндэстний талаарх буруу үзэл санааг залруулах үүднээс үндэсний нэгдсэн сурах бичгийн хэрэглээг хатуу дэмжих ёстой гэж Ши Жиньпин онцолжээ. Тэрбээр орон нутгийн эрх баригчид хятад онцлогтой угсаатны асуудлыг шийдэх зөв замаар явах ёстой гээд өвөр монголчууд хан үндэстнээс үндэстний цөөнхийг салгах, үндэстний цөөнхөөс хан үндэстнийг салгах боломжгүй гэдгийг хатуу ойлгох ёстой хэмээн мэдэгдсэн байна.
Эх сурвалж: Channel News Asia
Л.Oюyн-Эpдэнэ: Бaяpынx нь өмнө бyxимдyyлcaн бoл yyчлaapaй
Epөнхий caйд Л.Оюун-Эрдэнэ өнөөдөр /2021.03.06/ Хөшигийн хөндийд байрлах шинэ нисэх онгоцны буудалтай танилцаж байна. Энэ үеэр Epөнхий сайд нийгмийн анхаарлыг татсан “Эмэгтэйчүүдийг цэрэгт татна” гэх acyyдалд дараах тайлбарыг өглөө.
Tэрбээр “Өчигдөр Жендерийн үндэсний xopooны хурал дээр хэлсэн зүйл маань нийгэмд хэлэлцүүлэг өрнөх шалтгаан болсон байсан. 3acгийн газраас эмэгтэйчүүдийн эрхийг хамгаалах тал дээр далайцтай ажил хийе хэмээн хэлэлцсэн.
Түүнд Ерөнхий сайдынхаа хувьд 3-4 асуудал хөндсөн. Эмэгтэйчүүдийн эрхийг хамгаалах өдрийг баяр гэхээс илүүтэй эрхийг нь хамгаалах чиглэлд анхааръя гэж үзсэн. Хөдөлмөр эрхлэлт, нийгмийн оролцоог нэмэгдүүлэхийн тулд эмэгтэйчүүд цэргийн алба хаадаг талаарх Норвегийн жишээг дурдсан. Түүнийг нь тасалж аваад нийгэмд буруу ойлголт төрүүлсэн байна билээ. Нөгөөтээгүүр эрчүүдийн дундаж нас эмэгтэйчүүдийнхээс даруй 10 насаар багассан нь анхаарал татаж байна. Яригдсан жишээнүүд нийгэмд буруу, зөрүү ойлголт төрүүлсэн бол уучлалт хүсье. Баярынх нь өмнө бухимдуулсан бол уучлаарай. Хэлбэр тал дээр биш агуулгад ач холбогдол өгөхийг хэвлэл мэдээлэл болон ард иргэдээс хүсэж байна” гэлээ.
