Нэгдүгээр сарын 17-нд Энэтхэгийн “Садар” эмнэлэгт ер бусын хүүхэд мэндэллээ. Дөрвөн гар, дөрвөн хөлтэй нярай мэндэлжээ. Нутгийн иргэд нярайг олон мутартай Вишну бурхны хувилгаан дүр гэж үзэн сайны ёр хэмээн хүндэтгэлтэй хандаж байгаа аж. Гэсэн ч, эмч нар нярайг бурхан шашинтай ямар ч холбоогүй, харин жирэмсний үеийн хүндрэлтэй холбоотой ургийн гажиг гэж үзэж байна.
Энэтхэгт үйлдвэрлэлийн хог хаягдлын улмаас агаар, хөрс, усны бохирдол асар их байдаг тул иймэрхүү мутацид орсон гаж хүүхэд, мөн амьтад мэндлэх нь элбэг тохиолддог.
Харин дөрвөн хөлтэй, дөрвөн гартай нярайг төрүүлсэн эхэд оршин суугчид баяр хүргэж, нярай ч төрөнгүүтээ олон шүтэн бишрэгчидтэй болсон аж. Учир нь, хүмүүс түүнийг Бурханы дүр хэмээн тооцож, нярайг харах гэсэн хүмүүсийн цуваа эмнэлэгт үүссэн гэнэ. Тэд ирэхдээ нярайн гэр бүлд өргөл барьц олныг авчирч өгсөн байна.
(Эх сурвалж: dailystar.co.uk)
